NORTHEASTINDIA | January 24: Assam aro aalag Northeast states te Wednesday te Citizenship Bill logote khilaf protest kori thakiya samoy te, protestors khan pora BJP ke dhamki dise ki khilaf kora toh besi hi hobo.
“Juti tai khan etu Citizenship Amendment Bill ke halibole kotha aage te loijaise koile moi khan etu dhamki diye ase ki BJP leaders khan khusi pora beraibole diktar pabo,” Lurin Jyoti Gogoi, All Assam Students Union (AASU) laga General Secretary pora koise.
“Juti tai khan etu Bill hatanai koile protests toh besi dangor hi hobole ase,” Promod Boro, All Bodo Students Union laga President pora koise.
Pojoila Monday te, Pallab Bhattacharyya, Assam Police laga Director General kono intelligence wing laga in-charge ase, pora koise ki Lok Sabha te Citizenship Amendment Bill pass koriya bicche law and order toh besi khatarnak hoise.
“Etu nisina besi mamla dangor aro gorom samoy te hindi kotha koriya khan, Bengali Hindus aro BJP workers khan toh adangwaati laga group, ULFA(Independent) laga target hobo pare,” tai pora koise.
Mizoram te, Chief Minister Zoramthanga pora koise ki tai laga government toh besi naam dangor NGOs laga Coordination Committee logote tai pora Citizenship Bill logote khilaf Republic Day namanaibo koikena khobor koriya bicche kotha kori ase.
“Kintoh etu Republic Day ase, etu pora moi khan deyohar manaibole mon ase. Moi khan laga home minister pora NGO leaders logote mamla karne kotha kori ase,” Zoramthanga, kono etu logote khilaf ase, pora koise.
Add Comment