AIZAWL, November 21, 2018: Mizoram laga congress rule kura te BJP khan Tuesday din te Constitution laga Eighth Schedule te Mizoram laga language halibole nimete promise kurishe. State party headquarters Atal Bhavan te vision document ola time te koishe ki etu saffron party khan pledge loishe three engineering colleges, two medical colleges aro three nursing training institutes khulibole karne .Etu document ola time te BJP general secretary Ram Madhav koishe party khan northeastern state te power te ahise koile toh tai khan pora10,000 new jobs hudai sal aro etu pora avenues khan bonabole karne 50,000 jobs karne 5 sal te etia pora .Etu saffron party khan pora vachan dishe chawal toh Re onw per kilo hisaab pora dibo koishe aro ekta ghor sob ghor nathaka manu khan ke dibole ase tin sal te bonabo.Etu Bjp promise laga list te ‘traffic jam free’ state capital Aizawl tin sal ta aro all-weather pothole-free roads bonabole ase first 6 months te power te aha pichede .Etu pohila bar ase BJP khan 40 seats te 39 seats nimete contest kuri ase .Etu ke bishibak pro-Hindu party mata toh BJP aro tai khan laga allies khan government(s) laga part ase 7 ta north eastern states Christian population thaka te part thakishe .Hoilebi etia tak tai khan pora ekta Mizoram laga legislative seat jitanai aro etia tak etu state toh congress khan rule kuri ase -Etu jaka toh 6 sal pora congress khan rule kuri ase.BJP election promise khan toh construction of trans boundary highway Myanmar aro Bangladesh border via Aizawl logote mila toh trade aro tourism promote kuribole karne .Sob district te football stadium khulibole karne .Aro eco-parks aro picnic spots khulibole nimete tourism promote kuribole nimete aro multi-speciality hospitals khulibole karne vachan dishe state laga manu khan karne .
November 25, 2024
World's First and Only Nagamese Newspaper
Add Comment