BALLIA, UTTAR PRADESH : BJP MLA Surendra Singh aro tai laga kunoba Party leaders kan pora andashte District Inspector of School (DIOS) ke Official Meeting time te ekdam nahua adat dekhai kena thakise. Etubi Uttar Pradesh laga Ballia jaka te.
Etu nahua chamala laga Video kecha toh aro sob jaka te khobor te janaidiya huise koise. Huilebi District Magistrate Bhawar Singh Khargaut pora koa hisabte etu DIOS toh tai ke hisab nadekhai kena nahua adat dekhai thaka ke eku bhoi nai koi kena janaide thakise koise.
Etu chamala Video te dekha hisabte MLA pora DIOS Narendra Dev Pandey osorte ahe kena thaka-thaki kurikena ekdam adat nahua dekhaide thakise. Etubi ekdam hisab nakurikena. Etu oporte MLA laga BJP leaders kan bi melekena etu DIOS ke eneka diktar de kena thakise kooise. Huilebi etu chamala ke District Magistrate pora sabole barise aro rokhabole barise koise.
Huilebi aro last te MLA pora tai neju kalti hua janaide thakise koise.
Add Comment