BJP leader para Rahul Gandhi keh criticize kuri shae

July 24, 2024: Bharatiya Janata Party (BJP) para Wednesday din deh, Congress leader Rahul Gandhi keh accuse kuri shae, India laka exam system deh distrust bana karne. Taikan para Rahul Gandhi, maff mangi bo nah namangi bo, etu papna kuri taki shae, Supreme Court para taikan laka decision kwa piche deh. Tuesday din deh, court para exam cancel kuri bole aro re-test lubo leh request tho reject kuri di shae. Supreme Court para exam laka integrity compromised kuri shae kui nah eku systemic breach laka proof nai kui shae. Court para leak tho kahli kun bah jaka deh hui shae kui shae. Verdict piche deh, BJP leader aro former union minister Ravi Shankar Prasad para opposition keh criticize kuri shae. Prasad para Gandhi tho sob examination keh criticize kuri bole “fraud” nishi nah kotha chulai shae kui shae. Tai para hudi shae,” Rahul Gandhi manff mangi bo nah namangi bo..” Tai para Congress-led government time deh paper leaks tho common taki shae kui shae. Tai  para Gandhi tho India laka reputation b bia kuri di shae kui shae, globally. Prasad para Gandhi laka kotha kan tho Parliament keh disrespectful ase kui shae. NEET laka mamla deh government laka action defend kuri nah, BJP leader para investigation tho Central Bureau of Investigation (CBI) keh di di shae kui shae aro 155 examines laka candidature cancel kuri di shae kui shae.