Agencies, 04 September: Prime Minister Narendra Modi laga twenty sal public service te mark koribole nemite BJP para 20-din “Seva and Samarpan” campaign toh tai laga birthday din September 17 te suru koribo. Etu campaign te alak alak welfare activities melikena ase.
2014 te Modi prime minister howa bechae para, BJP para tai laga birthday toh ‘Seva Diwas’ (Service Day) hisab te manai ase aro desh te ek hapta nemite welfare activities loi thakise. Hoilebe etu par etu toh 20 din te othai deshe kelay koile Modi para electoral politics te tai laga 20 sal kothom hobole howa nemite.
BJP president JP Nadda para campaign laga part hisab te health aro blood donation camps lobole aro dukhiya khan ke rations debole nemite party workers ke instructions deshe. Tai para be BJP laga sob state units te khobor janaishe welfare kaam khan toh Covid protocols te manai kena koribole.
Tai para be party workers ke vaccination drive te facilitate koribole nemtie Covid vaccination camps te lok koribole koise.
Campaign laga part hisab te, BJP workers para besi dangor cleanliness drive toh October 2 te lobo aro etu din toh Mahatma Gandhi laga birth anniversary din ase aro manu khan Khadi aro local products jolabole nemite encourage koribo koise.
Etu occasion te, party para desh te five crore postcards toh BJP booth workers para pothabo koise aro tai khan toh public service nemite nejor ke wada kori ase koise. Party para be Modi para auction of gifts powa te janaidebole (publicise) nemite koise.
Auction toh pmmemontos.gov.in. te lobo aro September 17 para suru koribo. Auction para Funds ola toh Namami Gange project te jolabo koise.
Etu nesana BJP’s Kisan Morcha para Modi’s birthday toh ‘Kisan Jawan Samman Diwas’ hisab te desh laga sob district te manibo koise. Etu initiative te party para sepai aro farmers laga families ke samaan koribo koise.
Add Comment