BJP para Delhi CM ke sawal koreshe

Delhi, Sep 15: Arvind Kejriwal para AAP workers khan ke address kura time de announce kurishey ke tai dui din de chief minister laga post para namipo. Kejriwal para tai laga decision announce kura time de enika koishey, “Ami CM laga position para 2 din piche de resign kuripo. Ami CM laga kursi de nabhuipo manu khan para manzil nakura tak. Ami sob ghor aro rasta de japo aro manu khan manzil nakura taka ami CM laga kursi de nabuhipo”. Bharatiya Janata Party (BJP) para Sunday de Delhi laga chief minister Arvind Kejriwal ke tai laga decision jinto 2 din piche de resign kuripo koa toh sawal kurishey. “Edu 48-hour time jinto tai (Arvind Kejriwal) para mangishey edu ekta mystery asey ke tai replacement ekta pesaripole kuri asey nahoiley kiba alak ekta placement kuripoley khushish kuri asey”, BJP laga MP Sudhanshu Trivedi para press conference ekta de koishey. Aro tai koishey, “ CM ekta kinto Assembly de majority asey tai nemedey edu thik nai. Tai hosa khota de kuri asey koiley toh, tai Cabinet de meeting loikina resign kuripole takishey aro Assembly bhal para khotom kuripo taka.” Congress laga leader Sandeep Dikshit para Kejriwal laga announcement toh khali “chalak” ekta asey koikina nahoiley tai poila para resign kuripo taka enika koishey.