December 4, 2024: Wednesday din deh Bharatiya Janata Party (BJP) para Congress MP Rahul Gandhi tho drama bana karne accuse kuri shae. Party para Rahul tho Muslim laka vote kan pabo karne Sambhal deh jab oleh koshish kuri shae kui shae. Uttar Pradesh police para Gandhi keh Delhi-Up border deh rukai di shae, Wednesday din deh. Rukai nah Rahul keh, violence-hit city deh jab oleh mana kuri shae.
Uttar Pradesh deputy chief minister Keshav Prasad Maurya para Congress leader Rahul Gandhi keh slam kuri shae, Sambhal deh ghusi bole koshish kura karne.
“Akhilesh aro Rahul, taijun b politics kuri bole koshish kuri ase, Muslim votes pabo leh. Taikan ekta drama banai ase. DP aro Congress giri bole laka tho sure ase. SP tho ‘Samptawadi Party hoi jabo aro Congress-mukt Bharat taki bo,” Maurya para kui shae.
Tai para Sambhal violence – kuteh chartha manu muri jai shae- etu tho Samajwadi Party MLA aro MP laka rivalry karne hui shae kui shae.
BJP laka National spokesperson Sudhanshu Trivedi para Gandhi tho Smabhal keh visit kuri bole koshish kuri shae kui shae, authorities keh agae para nakoi nah. Tai para Congress aro Samajwadi Party kan Muslims votes karne kili ase kui shae.
“Rahul Gandhi tho tateh jai shae, INDI Alliance deh taka taila partner deh nalui nah, media attention lobo karne. Tuita parties majo deh jamala ekta olai nah ase,” Trivedi para kui shae.
Add Comment