New Delhi, November 22 : Bharatiya Janata Party (BJP) para Wednesday din te Congress MP Rahul Gandhi para Prime Minister Narendra Modi laga against te ‘pocket mara’ aro ‘nasib biya’ thaka laga comment diya nimitey Election Commission logotey jaisey. Rahul Gandhi para voting hobole tahka rajya Rajasthan te koisey “Naseeb biya…naseeb biya…naseeb biya…amikhan laga chokra khan tu world cup jitibole nisna thakisey hoilebi naseeb biya para taikhan ke haribole disey…etu desh laga manu khan janey.” Wednesday din te, Rajasthan laga Bharatpur jaga te ekta poll rally ke address kora homoitey koisey, “Pocket mara manu tu kitya bi ekla nahey, tatey 3jun manu bi asey. Ekjun agey fale para ahey, ekjun pichey fale para aro ekjun dur para ahey… Prime Minister Narendra Modi laga kaam tu apni laga dhyan ke bhatkabole laga asey. Tai tu TV te, agey fale para ahey aro Hindu- Muslim, demonetization aro GST nisna topic khan uthabole para public khan laga dhyan bhatkai. Etu homoitey, Adani tu pichey fale para ahikina poisa loiloi.”
Poll panel ke patha ekta letter te, BJP para likhisey, “Prime Minister ke pocket mara aro naseeb biya manu logotey compare kora tu ekta senior leader hoikina ekdam nuhuwa laga asey.”BJP laga letter te enaka bi likhikina thakisey, “ Kun manu ke hoilebi ekta pocket mara manu kuwa tu khali biya aro ekta personal attack kora hey nohoikina etu manu laga character ke barbad kuridiya laga kaam bi asey..”
Add Comment