Agartala, April 05 : BJP para 40-star campaigner laga naam unveil kuirisey kuntu te Prime Minister Narendra Modi, Union Home Minister Amit Shah aro BJP National President JP Nadda nisna dangor manu khan asey, kun khan Tripura te hobole thaka Lok Sabha election aro by-polls nimitey campaign kuribole asey.
West aro East (ST) parliamentary seat nimitey April 19 aro April 26 te elction hobole asey, 7-Ramnagar Assembly Constitution laga by-election logotey, BJP para rajya laga campaign trail nimitey taikhan laga bhari lineup agey rakhisey.
Former Chief Minister aro Rajya Sabha MP Biplab Kumar Deb tu West parliamentary constituency nimitey contest kuribole asey aro Kriti Singh Debbarma tu East (ST) Parliamentary seat nimitey nominate hoikina asey. Etu opor te, Dipak Majumder, Agartala Municipal Corporation laga Mayor tu 7-Ramnagar Assembly constituency nimitey laribole asey kuntu tu BJP MLA Surajit Datta murija para jaruri hoijaisey.
India laga Chief Election Commissioner Rajiv Kumar ke likha ekta chitthi te, BJP National General Secretary Arun Singh para submit kurisey, “Ami tu Bharatiya Janata Party leader khan laga ekta list enclose kuri asey kun khan Lok Sabha 2024 laga General Election chuli thaka homoitey election campaign te bhak lobo.”
Etu campaign te shamil hobole thaka manu khan majotey Defence Minister Rajnath Singh, Assam Chief Minister Himanta Biswa Sarma, Uttar Pradesh Chief Minister Yogi Adityanath, Tripura Chief Minister Prof. Dr. Manik Saha, Former Deputy Chief Minister Jishnu Dev Varma aro Nitin Gadkari, Sarbananda Sonowal, Kiren Rijiju, Rajib Bhattacharya, Mithun Chakraborty, Sambit Patra, Amit Rakshit, Pratima Bhoumik aro bisi alag leaders khan thakisey.
Add Comment