BJP Party pora 53 Leaders kan hataidese

BHOPAL, NOVEMBER 15 : BJP Party pora 53 jun Leaders kan ke 6 sal karne hataidese. Etubi tai kan neju BJP Party kan porahi. Aro etu ke 3 jun toh Purana Ministers kanbi ase. Tai kan ke hataidiya toh Anti-Parties Activities chamala ulai thaka karne ase. Etubi November 28 te Madhya Pradesh state election manabole thaka majutte. Aro etu hataidiya BJP Leaders kan toh Madhya Pradesh state laga kan hi ase. Etu 3 jun purana Ministers kan toh Sartaj Singh, Ramkrishna Kusmaria aro KL Agrawal kan ase. Aro etu 3 jun Ministers kan toh Independent Candidates nemite election manabole ase koise