BJP Vice President para aro TMC joined hoishe

KOLKATA: Bharatiya Janata Party (BJP) laga National Vice President, Mukul Roy aro tai laga chokra Subhranshu toh Friday din Trinamool Congress (TMC) te wabas jaishe, etu samai West Bengal Chief Minister Mamata Banerjee aro tai laga top party leaders khan para purana manuh ke welcome korishe. “ami aji TMC te samail hoishe, itya laga halat te kaun manuh be Bharatiya Janata Party logot thakiboli mon nai,” koikena Roy para janaishe. Ceremony samai press conference te West Bengal CM para koishe ke, Roy ke BJP para threatened aro tortured korikena tai laga halat be beya kori thiboli koishe. Banerjee para koishe ke, Mukul wabas kora toh hoile, BJP para kaun manuh ke be shanty te thaki-thiboli mon nai aro etu oper te sob manuh ke pressure te rakiboli mon ase.” Banerjee para aro koishe ke, TMC laga politicians aro workers kaun khan April-May moina assembly elections samai BJP logot jaishe, etu manuh khan ke itya ahoboli nathibo, hoilebi kaun khan Mukul Roy logot jaishe, tai khan ke toh ahishe koile saboli ase koishe. TMC te Roy wabas aha toh saffron party nemite besi tangor kamyaab hoboli ase koikena janaishe.