PRATAPGARH, NOVEMBER 4 : Rajasthan laga BJP Worker ke Bike te berai aha moda kan pora Saturday din ekdam biya pora hamla kurikena muraidese. Etu BJP Worker toh Samrath Kumawat koi kena mati. Aro etu hamla hua toh eman din te tai rasta te khara kurikena thaka time te 3-4 jun moda kan Bike pora ahe kena ahkete puntuk maridese. Etu bejete dolowar (Sword) pora tai laga kola kattidese koi kena, Police pora janaise.Etu nahua chamala toh Southern Rajasthan laga Pratapgarh Town pora 4 km dur Bosti jaka te hua laga ase. Aro etu moda (BJP Worker) ke tusera manu kan porabi pachaidebole ahese. Huilebi tai etu hamla hua jaka te hi muraijaise. Aro etu hamla kura moda kan toh hamla kura bejete bolaijai kena baise koise.Etu nahua chamala karne Local manu etu mura kao osorte bohi kena Protest manaise. Etu time te tai kan Police logot chulti pora etu nahua chamala nemite saidebole kuribi aro etu hamla kura manu kan chulti pora thuridebole kuribi koi kena hala-chila pora kotha janaide thakise. Aro etu logot Police kan husa kebi tai etu nahua chamala aro hamla kura karne husir laga action manabole kuribo aro etu hamla kura manu kan chulti pora thuridebole kuribo koi kena janaise.Etu nahua chamala karne bi Congress Leader Ashok Gehlot porabi khilaf pora kotha janaide thakise koise.
January 12, 2025
World's First and Only Nagamese Newspaper
Add Comment