NEW DELHI: India te Black Fungus cases besi othi-thaka nemite centre para 5 companies logot Liposomal Amphotericin B (AmBisome) injections toh Mucormycosis or COVID-triggered fungal infection samai elaj koribo nemite bonaboli janaishe. Etu fesla toh Prime Minister Narendra Modi para health department laga officials logot tawai toh duniya kaun toh jaga para hoilebi aniboli junai deya beche ase. Duniya alag-alag jaga te Indian Missions para Amphotericin B vials supplies nemite kam kori ase. Khobor hesab te itya dak 1,21,000 vails AmBisome toh India pongchina ase aro dosura 85,000 vails tawai toh rasta te ase koishe. US company Gilead Sciences para aro AmBisome tawai toh 1 million neshina supply toh Mylan para thibo, koikena government khobor para janaishe. Etu tawai toh komti howa nemite government para Amphotericin B tawai toh States aro Union Territories te supply thiboli koishe.
Black Fungus: Central Govt para 5 companies ke licence thishe
Add Comment