Black Panther 2, July 2021 te bona soruh

November 21, 2020. 2018 saal laga sequel Black Panther toh Atlanta te aha saal July moina para bona soru koribo koikena Hollywood Reporter para koishe. Aro film toh May 6, 2022 saal te release koriboli koishe. Etai dak be Marvel Studios khan para Chadwick Boseman laga botli nemite fesla lowa nai. Mori jaa actor para film laga first part te kam korikena ase. Boseman toh etu saal August 28 darik te besi din cancer bemar thakina morishe. Tenoch Huerta, logot loboli kotha melai ase, hoilebi asol khobor toh aroo fesla lowa nai. Black Panther te kala manuh nemite kamyaab paishe aro tangor maiki manuh kam nemite. Andy Serkis’ Ulysses Klaue aro Michael B Jordan’s Killmonger, tai jun ke be kushi janaishe. Film toh Ryan Coogler para Directed kora ase, manuh pithor te film besi hit hoishe aro 1.3 billion dollars kamaishe. Lupita Nyong’o, Danai Gurira, Martin Freeman, Daniel Kaluuya, Letitia Wright, Winston Duke, Angela Bassett aro Forest Whitaker, etu sob manuh Black Panther te olabo. Letitia Wright, Lupita Nyong’o, Winston Duke aro Angela Bassett film te wabas ahiboli ase koikena , THR para khobor thishe.