Jodhpur: Bollywood actor Salman Khan toh Jodhpur court te jabole ase blackbuck poaching case nimete Friday din te etu bi ekta gangster para dhamki dikena .
Etu death threat toh gangster ‘Garry Shooter’, kun tu toh Lawrence Bishnoi gang, laga ase September 16 laga facebook post te dishe.Etu actor para ekta plea file kurise tai laga conviction uporte lower court para kun para tai ke paanch sal nimete jail phutaishe.
July 4 laga hearing te Sessions Court Judge Chandra Kumar Songara para tai ke court te ahibole koishe September 27 te judi tai ahanai koile toh tai laga bail toh cancel hoijabo.Hoilebi manu khan kotha kuri ase ki etu actor toh police logote nahibo .
Etu actor toh juwa sal may moina para hi court te jaanai tai ke bail diya pichede .Last hearing time te defence council khan exemption mangishe court te jabole nimete etu pichede court para actor ke koishe etu te thakibole nimete kile koile tai toh tai laga plea laga hearing para hi thakanai.
Salman Khan ke Jodhpur te 1998 te film bon time te duita blackbuck ke muraidiya nimete bodnam kurishe.
Add Comment