New Delhi, August 06 :India te thaka BLACKPINK fab khan nimitey etu weekend te ekta khushi laga khobor asey. BLACKPINK’S WORLD TOUR : BORN PINK concert film tu August 9 para 11 tak limited screen te release hobole asey Etu film ke PVRINOX Pictures para present kuri asey. Etu film tu mashoor K-POP girl group BLACKPINK laga 8th anniversary mark kuri asey. Kuntu para taikhan laga daamdar performance aro taikhan laga Born Pink world tour laga josh ke desh laga cinema te anibole asey.
BLACKPINK laga second album, ‘Born Pink (2022) ke support kora, Born Pink World Tour tu bisi dangor success thakisey. Etu tour te 22 desh te 66 concert kurisey. Kuntu te Australia, Asia, Europe aro North America shamil asey. Etu tour te 29 show para $148.3 million maan kamaisey. Aro enaka kurikina Billboard laga 2023 Year-End Top 40 Tours Chart laga hisap te etu tu ekta maiki group para highest-grossing concert(sobsey bisi poisa kama concert) laga spot hasil kurisey.
‘Born Pink Tour’ te 1.8 million opor manu attend kurisey. Kuntu para etu ke sobsey bisi manu para attend kora ekta K-pop girl group laga concert banaisey.
Add Comment