Agencies, 11 September: YouTube para K-pop superstars Blackpink toh video channel te most subscribed artist hoise aro Justin Bieber ke tai khan laga 65.5 million subscribers para par korise koise. Group’s members Jennie, Lisa, Jisoo, and Rose para etu toh biswas koribole napara laga ase koise. Etu toh ami khan laga BLINKS (fans) para ekta precious moment gift ase koise. Tai khan etu samaan toh hotai morom aro support kori thaka sob fans ke dedicate koribole monn ase koise.
Poila olob agae moina te tai khan toh YouTube te second most subscribed artist thakise.
April te Blackpink toh 60 million mark par howa thakise aro Bieber nejae te thakise. Bieber te etiya 65.1 million subscribers ase. BTS 57.7 million ase aro etu bechite Marshmello 53.8 million aro Ariana Grande 49.6 million subscribers ase.
YouTube hisab te, jaija ek sal te Blackpink para 9.7 billion opor views paise.
Global superstars te be jarta music videos- ‘Ddu-Du Ddu-Du’, ‘Kill This Love’, ‘Boombayah’, aro ‘As If It’s Your Last’ ase aro each videos te 1 billion opor views gamaishe.
Blackpink toh YG Entertainment para bona ekta South Korean girl group ase. Group toh August 2016 te single album ‘Square One’ logote ola te ‘Whistle’ aro ‘Boombayah’ ase.
Add Comment