Apni laga theng aro feet ke khas dhyan dibo lagey aro khoon aha juwa kora tu komti huwa nimitey aro nerves barbad hoija nimitey glucose level high thaka para theng te problem olabole laga chance baraidiye.
Expert khan para koisey ki khoon laga circulation bhal nathaka para bera, tingling huwa homoitey theng bikhaidibo parey nohoilebi theng aro feet ke bhal para mehsoos kuribole napara, ulcer, ghao nohoilebi jokhom bhal hobole homoi laga, foot infection aro theng katibole lagiya laga risk bi olaidibo parey.
Diabetes thaka manu para foot massage aro pedicure(feet aro theng laga nakhun laga treatment) nukuribo lagey kilemaney etu para :
1. Blood circulation(khoon aha juwa) biya kuridiye
Type-2 diabetes thaka manu khan laga blood flow komti thakey aro taikhan laga blood circulation bi komti thakey. Etu matlab tu taikhan tu joldi infection paijai. Judi spa te kaam kora manu para apni laga cuticles ke bisi jur para exfoliate kurisey koiley apni laga feet te chot lagibo parey kuntu toh bhal nohobo parey nohoilebi infection anidibo parey.
2. Eku mehsoos kuribole napara
Diabetes para nerve ke barbad kuridiye. Type-2 diabetes thaka manu khan laga theng te eku mehsus nohoikina thakibo parey aro judi taikhan laga theng katisey koilebi taikhan eku najanibo.
3. Ingrown nail
Experience nathaka manu khan para pedicure kurisey koiley aro judi nail khan ke bisi khata katisey koiley nail laga bhitor te aro ekta nail olabo parey. Judi apni laga blood sugar level ke control kuribole naparikina asey toe bhitor te extra nail ola aro exposed skin para infection hoijabo parey.
Pedicure kitya skip kuribo lagey etu janibi
Judi apni laga theng, feet(paw) nohoile theng laga nail te infection asey, katikina asey nohoile khula ghaw asey koiley salon aro etu logotey jurikina thaka risk ke avoid kuribo lagey .
Add Comment