BMC para Amitabh Bachchan laga ghor te containment zone poster hatai thishe

New Delhi: July 26, 2020. Bollywood megastar Amitabh Bachchan tuh June 11 darik te COVID-19 positive test paishe. Tai Nanavati Hospital te thakina tui(2) hafta oper jaiase koishe. Big B logot, tai laga bacha Abhishek Bachchan, Aishwarya Rai Bachchan aro granddaughter Aaradhya, tai khan sob ke coronavirus positive paishe. BMC para tai khan laga ghor Jalsa tuh containment zone ase junai thishe. Hoilebi, etai actor laga ghor te notun coronavirus positive cases nathaka nemite BMC khan para poster tuh hatai thishe. Tai laga ghor tuh Mumbai’s Bandra, aro BMC laga West ward te ase. Tai laga dosura tinta ghor– Pratiksha, Janak aro Vatsa tuh be BMC para containment zone junai thishe. Big B para fans khan ke COVID19 results kowah tuh- “ami ke COVID-19 positive test paishe..hospital te jaishe, ghor manuh aro staffs manuh test kurishe..result rokiase…kuan manuh khan tai osor te 10 din nemite te thakishe, etu manuh sob test loboli koishe. Etu oper te Abhishek Bachchan para fans logot khobor thishe ke, tai logot maiki Aishwarya aro bacha Aaradhya be COVID-19 positive paishe. Tai koishe ke, “jaa kali,ami aro baba be COVID-19 positive paishe. Moi jun be mild symptoms thaka nemite hospital te admit kurishe. Ami khan authorities nemite te khobor thishe aro family aro staff khan be sob test kurishe. Ami khan BMC logot touch ase aro tai khan laga kotha te jaiase. Ami manuh sob ke shanty thakina phui nakoriboli koiase. Thank you!! Fans khan para superstar ke joti para bhal hoboli parthana kuriase. Etu oper te Big B para social media te tai khan laga health tuh update koriase koishe. Tai para aro post besi share korikena fans khan laga morom oper te dunyabad thishe. Olop din ake, July 22 darik te, BMC khan para Rekha laga Sea Spring ghor containment zone ase koikena thaka poster tuh hatai thishe. Rekha laga security guards ek jun logot COVID19 positive test paa nemite, July 12 darik te BMC para bondh kuri thishe.