California, 8 March : World number two Alexander Zverev, jun tu Tallon Griekspoor laga haat te haari jaise, koishe ki “bishi beya” khela nimite tai Jannik Sinner ke supplant kuri kena ranking topot jabole laga bhabna eku nai hoijai ase.
Zverev, jun tu California desert te prestigious ATP Masters event laga top seed thakise, itu competition te world number one Sinner nai thaka karone tai laga ranking uthaibo pare koi bhabi thakise. Sinner ekta belated three-mahina drugs ban samna kuri ase.
Zverev, jun Australian Open te Sinner laga runner-up thakise, koishe ki Italian khiladi laga absence surute tai laga top ranking bishe hobole diman diya thakise, kintu tai laga khela dikhi dikhi itu bhal sapna huni jaya ase.
Tai Indian Wells te top seed hoi kena opening match haari jaina laga prothom manu hoise, juntu last time Andy Murray 2017 te hoisey.
Zverev koishe ki Australian Open para tai laga form keno beya hoijai ase itu nimite tai laga ghoror explanation nai.
Pre-tournament press conference te tai koithakise ki South America laga swing te tai dui hafta bimar thakise, itu bhi ekta reason hobo parey.
Kintu Tallon Griekspoor logot 4-6, 7-6 (7/5), 7-6 (7/4) haari jaina picheh tai koishe ki simply tai bhal khelana parana ase.
First set jiti lobor picheh, tai second set te 2-5 para 6-5 lead loikena match finish kuribo try kurise, kintu serve kurithaka taim te break hoi jaya.
Tai third set laga 12th game te five match points bachai kena, fifth break point convert kuri kena final tiebreaker loi jaya, kintu aru Griekspoor ke rokhibo naparise.
Tai koishe ki tai laga first serve kaam kuribole lage, aru tai laga backcourt play bhi improve kuribole dorkar ase.
Add Comment