Bolivia military post ke seized kurishey aro soldiers ke kidnapped kuri dishey

Bolivia, 3 November 2024: Bolivia laka purana president Evo Morales laka armed supporters khan pra 200 soldiers nishina ke hostage dhuri kina ase, foreign ministry pra janai dishey. Friday din te Bolivia military report kurishey ki armed group  khan Bolivian city, Cochabamba laka military facility ke control loi kina ase. Update te Bolivia’s foreign ministry pra koishey ki group khan pra goli aro hatiyar khan dhurishey aro koishey  three military units khan ke assault kurishey etu irregular groups khan pra. Cochabamba toh central Bolivia te ase aro purana president laka supporters khan laka ghor jaka ase. Military facility ke dhuri na olop deri hoi kina, military khan pra personal aro taikhan laka ghor manu khan ke evacuation laka announcement dishey, Local media  pra report kurishey. Facility te ekta soldier ke dhura manu command centre te message te koishey ki group khan demand kuri ase authorities khan ke blockades lokot interfere nakuribi koi kina, Bolivian news agency ANF pra koishey. Morales laka supporter khan blockades banai shey country te 19 days karne, purana president ke alleged statutory rape aro human trafficking karne investigation toh rukhibi koina demand kuri ase, etu toh tai kuranai koi ase.