Kandahar, 17 October: Official pora janaideya hesab deh, Wednesday din Afghan election candidate moraideya toh sofa laga pethor deh bomb lokai kena thaga phata pora ase. October 20 parliamentary ballot laga agae deh etu katharnak hatsa toh olaise. Taliban pora etu hamta toh tai khan khan pora ase koi-kena janaise. Campaign session time deh patha pora candidates khan moraidese aro etya tak sob meli kena nai-nai koile be 10 jun nesana candidates moraide kena ase. Provincial governor spokesman Omar Zhwak pora AFP logode janaideya toh, Southern province, Helmand deh Jabar Qahraman toh tai laga campaign office deh supporters logode meeting thaga ase. Tusara seven manu toh provincial capital Lashkar Gah deh patha pora jokhom paise. Zhwak pora bomb toh v laga pethor deh lokai kena thaga ase koise. Tai pora tai khan etu blast deh meli kena thaga besi jun manu logode arrest korise koise. Provincial police spokesman Salam Afghan pora janipowah toh blast pora ekjun manu moraideya aro tusara tui-jun manu moraideya jani-paise. Qahraman toh second candidate ase etu moina Lashkar Gah deh mora toh. Jowah hapta suicide hamla time deh Saleh Mohammad Asikzai be tusara eight jun manu mora majode thakise. Etu hatsa toh Taliban pora parliamentary election pora candidates khan olaijabe koi-kena hosiyar janaideya bechide thakise. Etu group khan pora hamla koribole ase koikena hosiyar janaideya thakise.
Bomb patha pora Afghan election candidate moraidese
Add Comment