Agencies, 07 August: Saturday te Bombay High Court para businessman Raj Kundra aro Ryan Thorpe laga bail appeal pornography cases te mela te joldi olabole opor te mana nai. Tai khan para bail application toh Magistrate Court laga remand order te challenge korikena korise. High Court para order te Magistrate Court laga order te eku galdi nai koise. Raj Kundra ke police custody te remand kora te.
July 27 te, Mumbai te ekta court para actor Shilpa Shetty laga moda aro businessman Raj Kundra logote tai laga associate Ryan Thorpe ke toh 14 din nemite judicial custody te potha thakise.Kundra ke toh tusara 11 jun logote July 19 direk te arrest kora thakise. Etu toh pornographic films bona te melikena thakise. August 2 te, Bombai High Court para tai khan laga petitions te order te reserved kora thakise.
Court laga proceedings samai te, investigating officer para court te 68 pornography videos toh Kundra laga laptop te paise koise. Kundra laga laptop te Hotshots app laga details logote ekta PowerPoint presentation (PPT) thakise koise.
Police para be ekta film script logote sexual content toh Kundra laga personal laptop te powa thakise koise. Kundra para tai laga i-clod contents toh delete korise koise. Police para be tai khan ekta potential crime laga mute spectators toh nathakibo koise judi accused para co-operate nakorile aro saboot beya koribole kosish korise koile koise.
August 5 te, metropolitan magistrate court para Raj Kundra aro tai laga associate Ryan Thorpe laga bail pleas te reject kora thakise.
Add Comment