Bombay High Court para ‘Shaadi Ke Director Karan Aur Johar’ film laga  release rokhaidisey

New Delhi, June 13 : Karan Johar para Bombay High Court te jaikina ‘Shaadi Ke Director Karan Aur Johar’ koikina ekta Hindi film te tailaga monjuri noloikina tailaga naam chola nimitey ekta petition file kurisiley. Tai para etu film ke ban kuribole demand kurisey, kuntu toh June 14 te release hobole thakisey.  Karan Johar para Bombay High Court ke application diya te likhisey ki etu film laga naam laga through para tailaga mazak urabole kosis kur asey. Etu case huna picheyte, Thursday(June 13) te faisla huna homoitey, Bombay High Court te Justice RI Chagla para koisey  “etu case file kora manu(Karan Johar) laga izzat aro haak laga suraksa kuribole nimitey jaruri action lobole jaruri asey. Kilemaney etu case file kora manu(Karan Johar) laga samaj te ekta celebrity status asey aro Bollywood film industry te tai para ekta important role nibhaisey. Ekbar sa logalog, etu safa para dikhibole pari asey ki etu case file kora manu laga naam laga galat istamal kuribole kosis kurisey.” Bombay High Court para etu film laga makers khan ke etu order te  etu film te ki bodli anibole jarurat asey etu bodli anibole nimitey 7 din laga notice nidikina, etu film te bodli anibole laga freedom disey.