Boney Kapoor Arjun Kapoor aro Janhvi Kapoor logote

Etia jai thaka  Goa te luwa 49th International Film Festival of India (IFFI) Boney Kapoor aro tai laga maiki bacha Janhvi Kapoor eki logote buishe dias te aro sawal khan kura te jawab .Etu time te Kapoor koishe  tai etia tayar ase direction te wapas ahibole nimete .Etu bar toh Boney pora tai laga mota bacha Arjun Kapoor aro maiki bacha Janhvi Kapoor logote film bonabole ase .”Mui laga production kaam nimete aro etu uporte mui laga nijor kaam nimete mui khan film direct kuribole paranai .Hoilebi etu film direct kuribole laga kotha toh mun laga mon te aro bi ahise .Mui bhabona kurishe mui laga ghor te actors Arjun aro Janhvi ase  .Mui ekta film kuribole mun ase ekta bhai bhuini laga uporte .Bishi sal hoishe bhai bhuini laga kisaa celluloid te dikhanai .Etu karne mui ekta bhai bhuini laga kisaa uporte film direct kuribole mun ase  tai etu khobor festival te dishe  .Tai aro koishe   “Mui plan kuri ase sob Kapoor khandan khan etu te chacha Anil Kapoor aro Sanjay Kapoor ke bi lobo bhabi ase ,”Janhvi kun tai logoteb bui ase rukhaikena koishe ,”Etu toh film nohoikena reality show nishena ase .Arjun kapoor toh etu IFFI event te ahanai Kile koile toh tai laga character bodli kuribole thaka ase tai laga next film Panipat nimete  ,”Boney koishe .Arjun koishe tai ahibole naparibo   IFFI te .Tai koishe paichance bi tai bui she koile toh tai duplicate nishena dikhibole ase  .Tai koishe  etu chehra toh  ekta special occasion time te hi dikhaile bhal hobo.