India, 17 June, 2025: Border 2 film laka team pura mili kina jaishe third shooting schedule karne Pune te loishe. Tuesday din ekta notun group photo release kurishe, juntu te Sunny Deol, Diljit Dosanjh, Varun Dhawan aru Ahan Shetty dekhi jaishe, aru fans khan bishi excited hoishe upcoming war film karone.
Etu photo National Defence Academy, Pune te loishe. Picture te actors khan aage te boi kina ase, aru filmmakers khan piche khara ase. Sunny Deol Instagram te picture share kurishe, aru likhishe, “When all ‘Forces’ come together! #BORDER2.” Tai bhi Diljit aru Ahan ke welcome kurishe, karon third schedule start kurishe tai khan laka join te.
Etu first time ase juntu te pura main cast eki lokot picture loishe. Varun Dhawan moustache lagai thaka look te dekhi jai ase, aru tai laka look social media te mixed reaction paishe. Kunba fans bhal pai ase, kintu kunba fans khan koishe Varun bhal pora fit nahoi etu cast te. Kunba to aru koishe Vicky Kaushal nahoile to Sidharth Malhotra ke loile bhal hobo.
Kintu alak fans to Diljit Dosanjh ke bishi appreciate kurishe, koishe “he stuns” aru “tai thaka bhal hobo.” Ahan Shetty laka boini Athiya Shetty bhi picture laka repost kurishe Insta Story te aru likhishe, “Can’t wait for this one.”
Border 2 to 1997 te release kora Border film laka sequel ase, jun India-Pakistan War of 1971 te based thaka film ase. Etu film Anurag Singh direct kurishe, aru Bhushan Kumar aru Dutta family produce kurishe. Film to release hobo January 23, 2026.
Add Comment