Mumbai, 19 March : Bohut din pora wait koria pichete, Border 2, juntu JP Dutta laga classic Border laga sequel ase, January te release hoi aru audience khan laga mon jiti loise. Film tu box office te bisi bhal perform kori ₹400 crore pora besi worldwide collection kori loise, aru etiya juntu manu theatre te miss kori thakise, tatey karne OTT te stream hoboley ready ase.
Film tu Anurag Singh direct kori ase, aru produce kori ase Bhushan Kumar, Nidhi Dutta, JP Dutta aru Krishan Kumar. Cast te Sunny Deol, Varun Dhawan, Ahan Shetty aru Diljit Dosanjh main roles te ase, aru Mona Singh, Anya Singh, Medha Rana aru Sonam Bajwa important roles te ase.
Original film nisena, etu story bhi Indo-Pak War of 1971 upor base kori ase. Kintu etiya kahani tinta alag perspectives pora dikhai—Indian Army Major Hoshiar Singh Dahiya (Varun Dhawan), Indian Navy Lt Cdr MS Rawat (Ahan Shetty), aru Indian Air Force Fg Offr Nirmal Jit Singh (Diljit Dosanjh), aru tatey senior Lt Col Fateh Singh Kaler (Sunny Deol). Tatey individual journeys aru duty laga feeling pura film laga main backbone ase.
Release pora film tu positive reviews pai, aru ekdom bisi bhal box office success hoi jai. Etu Fighter, Uri: The Surgical Strike aru Kesari ke cross kori, India laga sobse highest-grossing war film hoi jai, total ₹432 crore worldwide collection logot.
Add Comment