Boston de gas putha pora ek-jun moraidese

Boston, 14 September: Official pora janaideya hesab de, Thursday din natural gas pipeline putha (blast) karni Boston osor laga tin-ta communities khan ke helaideya aro phoi khelaideya thakise. Tati nai-nai koilebe ek-jun moraidese aro 12-jun ke jokhom korideya thakise. Etu pora hundred opor manu khan pola thakise. Etu putha pora besi manu khan aro tusara building de thaga manu khan be pola thakise. Aro firefighters khan be joi rokhabo karni ekta jaga pora tusara jaga de ahha-jaa kora thakise. Tati laga manu khan be gas toh joldi bondh kora thakise aro etu hatsa aro-dangor nahobo karni electricity toh bondh kora thakise. Police khan pora be tati laga manu khan ke joldi polabole kowah thakise. Andover Fire Chief Michael Mansfield pora news conference de koi-kena thaga toh, Fire investigators khan etu hatsa howah toh Columbia Gas of Massachusetts logode suspect kori ase kowah thakise. Thursday din Columbia Gas pora janaide kena thaga toh, tai khan neighbouring state osor de gas lines bonabole ase kowah thakise. Aro etu hatsa howah jaja debe tai khan gas line toh bonabole ase kowah thakise. Hoilebe etu area osor de kum toh agae jai ase na-nai najani kena ase. NiSource spokesman Ken Stammen pora kowah toh, Columbia Gas pora etu hatsa toh ke howah pora hoise investigate kori ase kowah thakise. US Department of Transportation’s Pipeline aro Hazardous Materials Safety Administration (PHMSA) pora koi-kena thaga toh state’s emergency logode support koribo karni tai khan team pothai ase kowah thakise.