New Delhi, 11 September : Aji kali din te Bollywood, South aru Hollywood laga movie khan theatre te audience khan karone dekhai thaka ase. Wednesday din te, box office te sob film laga earning te decline dekhaise. Kintu Kalyani Priyadarshan ekta navo record create kori dise.
Rai hoise first Malayalam actress juntu ekta Rs 200 crore film dia thakise. Tai laga movie Lokah: Chapter 1 – Chandra box office te bisi dangor performance kori thaka ase. Itu female superhero film Rs 200 crore worldwide cross kori thaka, Wednesday (day 14) te Rs 4.25 crore earn kori se. India te total collection ahibole tak Rs 97.75 crore hoise. Itu movie te Kalyani Priyadarshan logot Naslen Gafoor bhi lead role te ase.
Hollywood laga last part of horror franchise The Conjuring — The Conjuring: Last Rights — September 5 te release hoise. Wednesday din te itu film Rs 3.25 crore earn kori se, Tuesday din Rs 5.5 crore earn kori thakise. Motamoti 6 din te itu laga total collection Rs 64.25 crore punchi jaise.
Tiger Shroff starrer Baaghi 4 bhi 6 din pora theatre te choli thaka ase. Itu film dangor start paise box office te. Wednesday din Rs 2.25 crore earn kori se, Tuesday din Rs 4 crore paise. Total earning ahibole tak Rs 42 crore hoise. Itu film motamoti Rs 200 crore cost te banai thakise.
Tamil movie Madharaasi bhi September 5 te release hoise. Opening day te besi bhal response paise, Rs 12 crore pora besi earn kori thakise. Wednesday din itu Rs 2.1 crore earn kori se, Tuesday din Rs 2.8 crore thakise. Motamoti total collection Rs 46.71 crore punchi jaise.
Vivek Agnihotri directed The Bengal Files bhi September 5 te release hoise. Itu Wednesday din Rs 99 lakh earn kori se, aru Tuesday din Rs 1.35 crore thakise. Motamoti 6 din te itu laga total earning Rs 10.24 crore punchi jaise.
Add Comment