Indian boxer Sumit (75kg) semifinal ponchishe Thialand Open teh Timur Nurseitov khe Phuket, Thailand Thursday din teh harainah.
Sumit bye paishe opening round teh, tai bhal khelishe bout teh aro 5-0 win huishe Kazakhstan laka Nurseitov khe quarterfinals teh haraishe.
Sumit fourth Indian huishe last four stage ponchiboleh. Monika (48kg), Ashish Kumar (81kg) aro Manisha (57kg) tai khan sob semifinals teh ase.
Choitah Indian pugilist khan Wednesday teh khelibo.
Bhagyabati Kachari (75kg), Amit Panghal (52kg) aro Rohit Mor (57kg) khan quarterfinal khelibo, Govind Sahani (48kg), Varinder Singh (60kg) aro Ashish Kumar (81kg) tai khan finals teh khelibo.
Tournament teh 130 boxers ase, 74 male aro 56 females Asia, Europe, Oceania aro Africa para.
Gold medal winners khan $2000 pabo, aro silver aro bronze winner khan USD 1000 aro USD 500 pabo.
Indian contingent khan aatah medal jetishe ekata gold, chartah silver aro tintah bronze joa edition tournament 2019 teh khelinah.
Add Comment