New York, 17 June 2025: Actor Brad Pitt tai laka girlfriend Ines de Ramon logot New York City te F1 film laka premiere te red carpet appearance dikhai dishe. Event to Monday rati Times Square te hoishe, aru duijon couple ekdum khushi aru morom kura dekha jai.
Brad, Ines laka haat dhori kina red carpet te aahishe. Online te share kora picture khan te, Brad tai laka haat Ines laga komor te rakhi ase, aru Ines laka haat Brad laka chest te rakhi dishe. Duijon hasi kina thaka aru masti kurithaka moment camera te dhora jaishe. Brad ekta smart navy blue suit aru pastel color shirt lagai takishe, aru Ines ekta sheer halter top aru lamba skirt lagai sob manuh laka nazar loi dishe.
Etu red carpet appearance dui din pisot aahi ase, jitia Brad aru Ines actor Bradley Cooper aru model Gigi Hadid lokot double date te dekha jai thakishe. Taikan Cote Korean Steakhouse, New York City te dekha pai thakishe.
Brad aru Ines dui sal pora eksat ase. Taikan Santa Barbara International Film Festival te ek sathi dekha jai thakishe, kintu officially red carpet debut Venice Film Festival te Wolfs movie premiere time te tai duijon ek sat takanai 2023 te.
Brad age time te Angelina Jolie logot shaadi kora thakishe. Taikan 2005 te Mr. & Mrs. Smith film shooting time te ek dusra ke bhal paishe, aru 2014 te France laka Château Miraval te shaadi kori thakishe. Kintu 8 saal laka legal battle pisot December 2024 te taikan laka divorce finalise hoishe. Taikan milikena 6 ta bacha ase.
Brad laga upcoming film F1 – The Movie Joseph Kosinski direct kurishe, jun Top Gun: Maverick film bhi banai thakishe. Film to June 27 te cinema hall aru IMAX te release hobo — English, Hindi, Tamil aru Telugu language te.
Add Comment