MEERUT, OCTOBER 17 : Indian Army sepai 1 jun toh Uttar Pradesh state laga Meerut jaka te Wednesday din BrahMos spying chamala karne thuridese. Etu Sepai toh Signal Regiment laga ase. Aro tai ke Military Intelligence (MI) pora thuri lui anedese. Etubi kedia 1 jun Engineer toh BrahMos Aerospace Limited, Maharashtra jaka pora UP Police kan pora etu ekta chamala karne hi thuride kena 1 din hua bejete.
Etu Sepai toh Kanchan Singh koi kena Uttarakhand jaka pora ase. Aro tai sepai kam kurikena 10 hui kena ase. Huilebi tai Intelligence Unit laga Radar nemite 3 moina kam kurikena thaka laga ase. Aro tai etu Radar te kam kurikena ki-ki nahobole laga kotha aro nakhobole laga kotha kan Western Command laga kan toh Paskitan Intelligence Agency ISI ke janaide kena thakise. Etu pora tai logot thuride ase koi kena, khobor te janaise.
Add Comment