BRUMADINHO, BRAZIL: Friday te southeast Brazil mine te dam gerishe. Khobor hesab te Saturday tok te 34 manu khan mura confirm kurishe aro 300 genika mann khan harai kena ase. Aro etu harai kena thaka manu khan ke zinda pabole laga hopes toh komti hoi jai ase.
Etu ghatna toh Friday te Vale mine te hoishe . Vale mine toh Minas Gerais state laga Belo Horizonte city osor te ase. Etu disaster nimite facility, aro osor laga Brumadinho town laga farmland sor te bhi etu kichar toh pungchishe.
Saturday te dozens genika helicopters khan etu rescue operations te use kurishe. Kile koile kichar nimite building khan bhi pura bon hoishe, gari aro rasta khan bhi pura bon hoishe.
Rescue officials announce kurishe ke din bhitor te manu mura laga number toh triple para bhi bishi hoi jaishe. Aro mati para manu mura toh ar bhi olai ase koishe.
Jua genti hesab te 300 genika manu khan harai kena ase. Vale para lists kura hesab te sob toh mine te kaam kura manu khan hubole pare koishe.
170 genika survivors bachai luwa khan majote 23 manu khan toh ekdam biya para jokom hoi kena hospitalize hoi kena ase.
Brazilian President Jair Bolsonaro toh etu ghatna huwa jag ate helicopter para jaishe. Tai olop samay pichete tweet kuri kena koishe etu scene dekhi kena emotional nohubole toh bishi dikdar ase.
Brazilian President koishe bachia manu khan ke sabole tai khan ke kuribole lage etu sob kuribo koishe. Aro etu hadsa toh kile hoishe etu opor te investigate kuribole koishe. Aro etu manu khan nimite insaaf mangishe aro enika ghatna khan toh agay te aro hubole nadibole kotha koishe.
Military koishe tai khan etu jaga te 1,000 troops pothaishe koishe. Etu te sniffer kutha khan bhi pothaishe koishe. Etu sob toh president para affected zone nimite orders kura pichete hoishe.
Bolsonaro aro tai laga government para January laga suruwat te office laga zimedari utha pichete etu ghatna toh tai laga first dangor emergency ase. Aro Brazil laga history te etu toh sob para dangor ghatna ase koishe.
Add Comment