Brazil, 26 March : Flamengo laga international forward Gabriel Barbosa ke Monday dey ekta doping test homoi fraud kuriboley kosis kuria piche dey tui saal karney suspend kuri dishey, ekta Brazilian sports court homoi. Gabigol kuina janina, itu 27-sa Brazilian toh Rio de Janeiro laga club headquarters ekta surprise doping test dey homoi uncooperative thakishey. Itu punishment, kuntu appeal kuribo parey, haa saal April 8 dey backdate kurey, kitia itu events huishey. Tai schedule logot comply kurianai, doping officers ke disrespect kurishey aro instructions ke obey kurianai, local media kuishey.
Testing din dey, Gabigol laga teammates morning dey testing luishey kitia tai present thakiboley ekta request ignore kurishey aro lunchtime piche dey attend kurishey, aaropi laga hisab dey.
Kitia tai test kuriboley ahishey, tai reports hisab dey ekta officer para taike bathroom tak escort kuria karney afsos huishey.
Agey dey, tai laga sample collection protocol respect kurianai, accusation hisab dey.
Flamengo laga 2019 domestic league aro Copa Libertadores titles dey ekta key figure, Gabigol para consistently itu test dey cheat kuria maana kurishey.
Gabigol toh Portugal laga Benfica dey aro Italy dey Inter Milan dey disappointing spells thakishey, Santos’ laga academy para ulaina, 2019 dey Flamengo join nakuria agey dey.
Tai Flamengo dey form kuriboley wapis ahia para taike Brazil squad dey madishey aro tai January 2022 dey tai laga last18 international appearances kurishey.
Flamengo logot Gabigol laga contract December dey expire hui.
Add Comment