Brazil PM, Bolsonaro para tai logot COVID-19 negative ase koishe

Sao Paulo: July 26, 2020. Brazilian President Jair Bolsonaro para koishe ke, tai bemari nemite hafta oper ghor te quarantine kuri thakina Saturday din te novel coronavirus negative tested hoishe. Socail media te photo posted kora te, Bolsonaro para hydroxychloroquine, anti-malarial tawai laga box thurikena olaishe. Tai koishe ke, RT-PCR test laga Sars-Cov 2 tuh negative olaishe. Tai para test tuh ketai loishe aro dosura khobor eku jani deya nai. Etu moina pithor te Bolsonaro ke tin(3) par positive paishe, etu oper te notun coronavirus para ola COVID-19 bemar tuh July 7 darik te paishe. Tai, presidential ghor te isolation kurikena thakishe aro official kam tuh videoconferences para kuri thakishe. Tai ke ketai-pai he bahar te thiki thakishe, etu oper te rally ekta te supporters khan ke kotha koi thakishe, etu samay mask nalakia-kena meter thur para manuh logot kotha koishe. Brazil te coronavirus bemari cases tuh 2.3 million neshina hoikena ase, Unites States bechete ase. Brazil te coronavirus bemari para 85,000 oper manuh morikena ase. Bolsonaro para virus ke risk lui thakishe aro “chotu bemar” matishe. Tai para public health experts khan ke challenge kurikena aro governors aro mayors khan para bemar nemite larai kora samay lockdown thaka te  te kelaaf kuri thakishe. Right-wing populist khan para koishe ke, eneka polices thaka tuh virus logot be beya wala ase etu nemite business tuh jolti para aro kuliboli janaishe. Bolsonaro para aro koishe ke, tai bemar bhal howah bechete duniyaa sob te berabo.