Brazil United States logote jitishe

Neymar aro Robert Firmino pora goal dhalikena Brazil khan pora United States ke 2-0 pora haraidishe   .Brazil tai khan laga first international game kheli ase  FIFA World Cup 2018quarterfinal te hara pichede MetLife Stadium East Rutherford, New Jersey te bhal pora khulishe .Etu south Americans khan pora 10 games jetikena ase United state khan logote aro US khan toh khali ek bar hi jitishe 1998 te.Bishi manu kotha olai thakishe Brazil khan toh 11 bar jitibole karne America khan logote kun khan  Russia World Cup te qualify hoboler paranai .Brazil first half te bhal  pora khulishe host khan    possession khan thik thak pora nakura karne .Etu game laga pohila goal toh 11 minutes te ahise Juventus winger Douglas Costa pora akhe te paikena . British-born left-back Antonee Robinson akhe te jaikena Costa, rukhabole Brazilian pora tia ke paar kurikena Firmino ke cross dishe .Etu Liverpool forward pora Columbus Crew goalkeeper Zack Steffen laga paar kurikena 1-0 bonaidishe .Costa pora aro ekbar Robinson ke dikdaar te anidishe 31 minutes tai ke paar kurikena  cross dishe .hoilebi etu var Neymar jabole Americans khan laga agae te. 39^th minute te Steffen pora Liverpool signing Fabinho laga  shot saved kurishe .South Americans khan pora tai khan laga lead double kuridishe   half time hobole thaka 3 minutes thaka te US captain Wil Trapp pora Fabinho ke penalty area te girai dikena. Paris Saint-Germain striker Neymar akhe ahikena  58th international goal halidishe 91^st game te.Neymar kun ke captain laga armband dishe manager tite pora etu game karne etia  5goal hi lageh Brazil’s all-time scoring charts punchibole karne . Ronaldo logote 62 goals ase aro Pele toh top te ase 77 goals te.