New Delhi, 13 October : ‘Dearest Reader,’ juntu Lady Whistledown koi thake, Netflix laga dangor popular show Bridgerton laga Season 4 laga release date ahijai ase. Sombar din te, streaming giant Netflix ekta teaser release kori dise, juntu te show laga date announce kori ase aru fans khan ke etu season te ki expect kori pare etu laga ekta choto glimpse dikhai dise. Pichla season nisina, Season 4 bhi duita part te release hobo.
Teaser te dikhai dise second-eldest sibling, Benedict Bridgerton (Luke Thompson), hallway laga staircase niche name thaka time te, “Lady in Silver” logot lagte lagte brush kori jai. Tai pishe jaane, etu mahila ke tai Lady Bridgerton laga lavish masquerade ball te log pai. Tai laga naam ase Sophie Baek (Yerin Ha). Tai ekjon maid ase, juntu Lady of the house, Araminta Gun (Katie Leung) karone kam kori ase.
Ahibo laga Bridgerton Season 4 te total aath ta episode thakibo. Etu duita part te release hobo — Part 1 January 29 te, aru Part 2 February 26 te. Fourth season to Julia Quinn laga Bridgerton series laga third book An Offer from a Gentleman par based ase.
Season 4 te wapas ahibo laga cast members khan majot ase — Jonathan Bailey as Anthony Bridgerton, Simone Ashley as Kate Bridgerton, Nicola Coughlan as Penelope Bridgerton, Claudia Jessie as Eloise Bridgerton, aru Hannah Dodd as Francesca Stirling.
Add Comment