New Delhi, 14 May : Bridgerton officially Season 5 nimite 2027 te ghuri ahibole ase, aru etiya spotlight Francesca Bridgerton (Hannah Dodd) aru Michaela Stirling laga (Masali Baduza) love story uporte thakibo. Announcement tu Netflix New York upfront presentation time korise, kot Chief Content Officer Bela Bajaria notun chapter confirm korise.
Etu update series nimite ekta noticeable shift bhi ase. Agey te fans khan dui saal tak season wait korise, kintu etiya Season 4 success pora Netflix production speed up koribole ase.
Season 5 te Francesca Bridgerton aru Michaela Stirling laga story main focus hobo. Upcoming season franchise laga ekta bisi dangor milestone hobo kuina asha ase, kile ki etu show laga first central queer romance storyline introduce koribo.
Official synopsis hisab te, Francesca etiya bhi nijor husband John Stirling laga death nimite grieving kori ase. Tai laga dui saal piche, tai aru ekbar society te ghuribole aru shaadi bisaribole decide kore stable future bonabole. Kintu John laga cousin Michaela London te Kilmartin estate sambhalibole ghuri aha pichete sob emotional complication start hoi jai. Francesca aru Michaela besi time logot spend koria pichete, tai nijor mon laga kotha aru society expect korise jibon majot confused hobole lage.
Masali Baduza aru Hannah Dodd duijon etu relationship screen te anibole bisi excited kuina share korise. Dodd koise ki period drama te queer love story representation thaka bohut important ase. Tai Tudum logot kotha pati time koise ki queer manuh khan hotai exist korise, kintu historical romance onscreen te etu nisina story khan besi dekhabole paise.
Baduza bhi showrunner Jess Brownell ke praise kori koise ki creative team sincerity aru warmth logot etu romance handle kori ase.
Previous season khan nisina nohoi, Season 5 production reportedly bohut jaldi start hoijaishe after Season 4 filming khotom hoise. Report hisab te UK te March 2026 pora shooting start hoise, juntu series laga fastest turnaround kuina koise. Netflix already 2025 te Season 5 aru 6 renew kori dise.
Notun season te fresh cast members bhi ahibo, including Tega Alexander, Jacqueline Boatswain aru Gemma Knight Jones. Fans khan mon kori ase ki etu additions Kilmartin family storyline aru Scottish Highlands setting logot connected thakibo.
Returning favourites majot Benedict Bridgerton (Luke Thompson), Penelope Featherington Bridgerton (Nicola Coughlan) aru Eloise Bridgerton (Claudia Jessie) important role loi ghuri ahibo kuina asha ase. Kintu Anthony Bridgerton (Jonathan Bailey) aru Kate Sharma (Simone Ashley) notun season te thakibo naki nohoi etiya tak clear nohoi.
Season 5 te Bridgerton laga signature orchestral pop-song style continue koribo, kintu etiya showrunner Jess Brownell koise ki openly queer artists laga music specifically explore kori ase Francesca aru Michaela laga emotional storyline reflect koribole.
