Britain te Pfizer vaccine tayar ase

December 6, 2020. Etu hafta Britain toh duniyaa te Pfizer/BioNTech COVID-19 vaccine olaboli first desh hoboli kam kori ase. Vaccine toh doctors khan laga clinic te bakh nakora agae te hospital te puila thibo, koikena Sunday din government para janaishe. First dose toh Tuesday din te thiboli koishe, etu samai National Health Service (NHS) para loikena vaccine toh healthcare workers care home staff aro public khan logot thibo koishe. Jaa hafta Pfizer aro BioNTech para ola vaccine toh Britain para emergency samai joboli manishe. Sob melaikena Britain para 40 million doses order korikena ase- etu para 67 million manuh pithor te 20 million thibo ase. First hafta samai 800,000 doses paijaboli koishe.  First doses toh Belgium para ahikena ase aro secure jaga te rakina ase, vaccine sob toh bhal para check koribo koikena, health ministry para janai thishe. Pfizer/BioNTech vaccine besi bhal jaga te rakiboli lage koishe. Fridge te 70C (-94F) te raka toh 5 din nemite ase koishe, etu nemite health ministry para koishe, vaacine toh first 50 hospital te thibo. Vaccine thanda toh normal hoboli olop gonda lobo etu beche te jobol koishe. Duniyaa te Britain toh first desh ase vaccine thiboli, aro besas as eke, 1.5 million manuh morikena thaka aro duniyaa te economy kerikena thaka toh aro bhal koribo. Saturday din Moscow te Russia para Sputnik Vaccine toh deya soruh hoishe, hoilebi, final trials toh aro kotom nahoikena ase koishe.