December 17, 2020. British actress Naomi Ackie para mori-jaa singer Whitney Houston oper te notun film bonaboli ase koishe. ‘I Wanna Dance With Somebody’ toh Anthony McCarten para leki ase, tai para Freddie Mercury film Bohemian Rhapsody toh be lekishe. Ackie, 28 umer toh east London para ase aro etu sal Bafta TV Award samai ‘Channel 4 series The End of the F***ing World’ nemite jetikena ase. Ackie toh Doctor Who aro Yardie te olaikena ase aro etu oper te 2019 film Star Wars: The Rise of Skywalker te Jannah laga role loishe. Variety aro Hollywood reporters logot statement te director Stella Meghie para koishe, “jaa sal para ami khan Whitney Houston neshina koriboli actress pesari thakishe. Naomi Ackie para kam sob te kushi kori thishe. Tai laga neum aro kam parai nemite ami besi kushi ase aro etu para global icon hoikena tai laga jeevan te be kushi anibo. Whitney Houston toh 2012 sal te morishe. Tai laga gaana ‘Saving All My Love For You aro I Will Always Love You’ besi hit thakishe. Houston para first samai acting kora toh Kevin Costner laga 1992 sal romantic thriller The Bodyguard te olaishe. Music mogul Clive Davis toh Houston logot kam kori thakishe aro tai toh notun films laga ekta producers ase koishe. “Whitney laga awaz toh alag ase, hoilebi, Naomi laga acting bhal howa nemite, tai para Whitney laga kam paribo. “Naomi toh hosa ase aro etu iconic role te tai neshina kaun be nai,”
Add Comment