Ukraine, 05 April 2025: British aru French military chief khan first time Kyiv jai se eta meeting karibo karone, Ukraine Army ke strong banabo karone aru support kuribole, Russia logot larai khotom hoile, etu discuss koribo karone. France laga Thierry Burkhard etu Saturday (April 3, 2025) te koise.
France laga President Emmanuel Macron aru British Prime Minister Keir Starmer to European effort lead kuri ase Ukraine ke “reassurance force” pathabo karone, war khotom hoile bhi Ukraine ke help kuri thakibo karone. Larai to Russia laga invasion 2022 te start hoise.
Ukraine koise ki Russia to ceasefire kitya bi acha nakobo.
French aru British military chief khan Kyiv te ja same din, Russian ballistic missile ekta Ukrainian President Zelenskyy laga ghor thaka shahar Kryvyi Rig te strike kuri se, aru kom se kom 18 jon manu muri jai ase, juntu majot 9 to bacha bhi ase, etu authorities koise.
Mr. Zelenskyy koise ki Burkhard aru Radakin logot meeting tu “fundamental” ase.
“Ami ground, sky aru sea te presence laga kotha discuss kurise. Air defence bhi discuss kurise. Aru alak sensitive kotha ase,” Mr. Zelenskyy Friday rati te koise.
“Ami military level te weekly meeting kuribo. Ami laga partner khan bujhi jai ase Ukraine ki lagi ase,” tai add kurise.
France armed forces laga chief Burkhard Saturday te koise ki tai khan “reassurance options” discuss kurise, juntu ekta international coalition provide koribo.
“Amikhan milikena Ukraine te ekta solid aru lasting peace thakibo karone support dibo, karon etu European continent laga security karone bhi bisi important ase,” tai X te koise.
Joint trip laga ekta goal ase Ukrainian army ke support di thakibole, jate tai khan Russian forces logot fight continue kuribo pare, tai koise.
Aru ekta goal ase, juntu long-term strategy define kuribo — army ke reconstruct aru transform kuribo karone, tai add korise.
Add Comment