January 6, 2021. British Prime Minister Boris Johnson para India te jaboli thaka toh cancelled korishe. Boris Johnson toh India Republic Day celebrations, January 26 darik te chief guest hoboli thakishe. British PM Boris Johnson para India te jaboli thaka toh United Kingdom te COVID-19 cases besi othi thaka nemite cancelled kora ase koishe. India te jaboli cancelled kora toh United Kingdom te notun lockdown junai deya beche hoishe. Jaa hafta para United Kingdom te notun coronavirus bemari cases toh besi powa nemite. United Kingdom te hazar manu khan ke notun coronavirus bemari para thurikena ase, besas ase ke etu notun bemar toh COVID-19 logot be 70 percent laka-laki hoboli moka besi ase. India te Johnson jaboli thaka toh tuita desh mela beche first hoboli thakishe aro Britain toh European Union para hati jaa beche hoboli thaka ase. “Prime Minister Boris Johnson para Indian Prime Minister Narendra Modi logot aji pujur kotha korishe. Johnson para tai India te jaboli naparai toh besi mon dukh ase janishe” , koikena 10 Downing Street para statement te koishe. British Prime Minister para India te jaboli thaka toh cancel koriboli fesla loishe, keli koile tai khan laga desh te notun coronavirus bemari toh besi jolti phila nemite. British Government para England te notun aro pura lockdown othaishe, aro etu February moina dak jaboli neshina ase koishe.
British PM Boris Johnson para India visit toh cancel
