New Delhi, February 11: British Railway aro Yash Raj Films para duita dangor milestone- “Dilwale Dulhania Le jayenge” laga 30 years aro England te modern railway system laga ahikina 200 years huwa tu celebrate kuribole nimitey ekta UK-India cultural event nimitey collaborate kurisey.
England laga railway tu taikhan laga ‘Railway 200’ campaign celebrate kuri asey. Jabki Yash Raj Films tu ‘Come Fall In Love- The DDLJ Musical’ present kuriasey kuntu ke DDLJ laga director, Aditya Chopra para direct kurisey.
DDLJ tu Bollywood laga ekta sobsey bisi mashoor movie asey kuntu te Shah Rukh Khan aro Kajol lead roles te thakisey. DDLJ laga bisibhak scene tu UK te shoot kurisiley. Aro ekta main scene tu King’s Cross Railway Station te shoot kurisey.
“DDLJ” tu India te sobsey lamba chola title asey aro Mumbai Maratha Mandir theatre te etya tak bi chuli asey.
YRF aro Britain’s railway para ekta joint statement release kurisey kuntu te enaka likhikina thakisey, “Britain laga railway aro YRF para taikhan laga etu cultural collaboration tu Valentine’s Day celebration laga his ate announce kurikina train journey kora laga romance ke recognize kurisey. YRF tu ajikali ‘DDLJ’ laga musical adaptation produce kuriasey kuntu laga title ‘Come Fall in Love- The DDLJ Musical’ (CFIL) in the Uk” asey.
Etu musical tu 29 May 2025 te Manchester Opera House te release hobole asey. Aro 21 June 2025 taak bajabole asey.
Add Comment