Broadway actress Ann Reinking 71 umer te morishe

December 17, 2020. US Broadway actress, dancer aro Tony Award te choreographer jeta manuh Ann Reinking, 71 umer te morishe. 1977 sal Chicago te Reinking para hit crime musical te Roxie Hart laga role korishe. Tai mora khobor toh tai laga sister-in-law Dahrla King para janai thishe. “duniyaa aro ghor manuh khan nemite vibrant, amazing talent aro mon bhal ek jun jaishe”, koikena ghor manuh para statement te koishe. “ami khan kuboli naparai tai ke miss koribo,” aro koishe. “etai Heaven te sobse bhal  choreographer thakibo. “ami khan jani ase, etai tai khan dance kori thakibo!” Reinking toh ke para morishe aro khobor paikena nai. Dancer aro choreographer Christopher Dean para Facebook te tai mora oper tem on dukh kora janaishe. “aji pujur te Broadway te lights toh besi komti hoishe aro etai akas te star ekta komti hoishe,” koikena Christopher Dean para aro junai thishe. Ann Reinking laga dosura kam toh Sweet Charity, Over Here aro Goodtime Charley ase. Tai para jarikena kena jaa khan toh tai laga mota, Peter Talbert aro chokora Chris ase.