Agencies, 22 November: Saturday te, Panisagar, North Tripura security personnel aro anti-Bru protestors majode laka-laki samai beya para jokhom powa ekta manu toh morishe. Etu para mora toh tuita hoise. Mora manu toh 40-omar Biswajit Debbarma ase aro tai toh fire service te kaam kora manu ase.
Saturday te ekta civilian 47-omar Srikanth Das mora thakise kelay koile Tripura State Rifles personnel para National Highway, Chamtila North Tripura te protestor para bondh kori kena thaka te hamla kora nemide. Srikanth Das toh Kanchanpur laga manu thakise.
Sob melikena 7 civilians aro 15 tusara manu te policemen, fire service personnel aro government officials toh hatsa te jokhom powa thakise.
Protestors logode chamela samai Biswajit Debbarma ke toh matha te jokhom powa thakise aro Saturday rati tai ke GBP hospital, Agartala te shift kora thakise. Hoilebe tai toh khom powa nemide morishe.
Etu khobor toh North Tripura superintendent of police, Bhanupada Chakraborty para confirm korise.
Joint Movement Committee (JMC), laga leaders (Bru refugees laga resettlement opor te kelaaf kori thaka) para Tripura social welfare minister Santana Chakma aro BJP MLA Bhagaban Das logode Saturday rati Panisager forest bungalow te meeting lowa thakise.
JMC para etu par National Highway, North Tripura te bondh kora suru kora toh tai khan laga demands te support korikena thakise.
Meeting bechide, JMC leaders para Panisagar Sub-division te bondh kora toh Sunday morning para withdraw koribole janaishe.
Hoilebe JMC leaders para Kanchanpur sub-division te indefinite strike toh withdraw koribole daiyar te nai.
Joint Movement Committee leader Sushanta Bikash Barua para indefinite strike toh Tripura government para demands te namana tak joli thakibo koise.
State government para Kanchanpur aro Panisagar te Bru refugees laga resettlement opor te dekthari bona khan ke pabole nemide magisterial level inquiry koribole order deshe.
Statement government para mora families nemide Rs. 5 lakh toh compensation nemide janaishe aro etu samai jokhom powa sob manu ke medical expenditures te sabole janaishe.
Opposition Congress and CPI(M) para hatsa nemide state government ke gara kelaaf korise.
Tripura Congress president Pijush Biswas para state government laga fesla public laga concern naloi kena lowa nemide bodnaam korise.
Biswas para Bru re-settlement issue opor te kotha koribole nemide government para all-party meeting matibole demand korise.
CPI (M) koise, JMC para strike suru kora toh last seven din nemide joli ase hoilebe state government toh kotha koribole daiyar te nai.
Left party koise, state government toh dekthari thek koribole mon nai (reluctant).
Left party para Bru resettlement issue toh state government para humane approach logode thek koribole demand korise. BJP spokesperson Nabendu Bhattacharjee para government toh issue te thek koribole nemide best kori ase koise.
Add Comment