AUGUST 16,2020: Indo-Bangladesh border para last 24 hours te alag alag operations khan kurikena Border Security Forces (BSF) personnel khan para komti hoilebi Rs 2,60,231 laga Phensedylin laga 1,540 bottles paishe.
Ekta Indian smuggler komti hoilebi Phensedyl laga 160 bottles khan Sunday ter thurishe Border outpost nawada te Indo Bangladesh border Malda te district west Bengal te.
Chan bin kura samay te etu smugglers para dusra phensedyl smugglers laga naam koishe area te thaka toh.
BSF personnel khobor dishe ki”Sunday te 7 am nishena te ami khan khobor paishe ki kunba Phensedyl smugglers khan Nawada area Indian side te bui thaka toh Bangladesh side te smuggle kuribole kosish kuri thakishe.”
Personnel aro bi koishe “etu smugglers khan border puncha logote BSF troops khan ekta smuggler ke thurishe aro dusra khan polabole parishe.
BSF para aro bi khobor dishe ki etu Phensedyl consignment toh etu thura manu khan ke Malda resident Gurupad Mandal para diya ase.
BSF para aro bi khobor dishe ki”etu smugglers khan ke Rs 1200 per bag dibole wadaa kurishe tai khan ekbar Bangladesh laga international border ekta par kurishe koile toh.”
BSF para aro bi koishe ki”Bangladesh te etu Phensedyl bottles toh sahim sheikh chapinawabganj te bui thaka manu ke dibole thakishe.”
Etia Saturday din te huwa alag hadsaa te BSF troops aro smugglers khan majhotte chamela ola samay Sector Berhampore te 386 Phensedyl bottles spot para paishe.
Etu smugglers khan olabole parishe.
Add Comment