Agartala, February 5, 2025: Yete 22 saal chokra, Mohammad Roni, Firuz laga bacha aru tai toh Putia Bosti laga Ward No.2, Bishalgarh Subdivision laga bitor te thakhea koishe. Yete taike BSF laga Jawan para taike Putia Border Outpost (BOP) para guli mari dikina Jokhum kuri dishe koishe.
Local khan laga khobor hisab te, Roni toh Bangladesh te jai thakhea koishe illegally para, yete tailaga khandan khan ke lok kuribole karne. Aru tai Bangladesh para wapas ahea homoi te BSF khan banduk para guli marishe koishe, Gate No, 152 osor para. Yete guli toh tai laga matha aru Gula te lagi kina bia para jokhum hoishe koishe.
Yete BSF khan para taike joldi Bishalgarh Sub-Divisional Hospital te loi jaishe koishe treatment kuribole karne. Hoilebi tailaga halat toh biahi hoa karne, taike GBP Hospital Agartala te ani dishe koishe, yete advance treatment kuribole nimete.
Tate thakhea manu khan toh chinta hoi ase koishe, yete BSF khan guli bishi marea ase koishe, yete 159 Battalion ahea pichete. Aru local khan para koishe ki , enika jamala khan toh ulai thakhea ase koishe, yete Border osor te thakhea khan ke mun chinta kuri dea ase koishe. Hoilebi Authorities khan etea bi Official khobor toh dea nai koishe etu jamala te.
Add Comment