Tripura, 13 November : Border Security Force (BSF) Tripura Police aru forest department laga collaboration te state laga Sepahijala district te 65,000 pora beshi mature cannabis plants destroy kuri dise Wednesday din.
BSF ekta press statement te koi dise ki taikhan information paise cannabis cultivation laga ekta forested area te, juntu Gilamura village najik, Sonamura sub-division te locate kura ase.
Information basis te, BSF Tripura Police aru state forest department logote milige joint operation launch kuri dise.
Operation chuli thaka homoi te, team 10 hectares land upor te cultivate kura 65,000 pora beshi mature cannabis plants destroy kuri dise.
Plants paanch alag-alag plot te thakise aru uproot aru jala diye destroy kura dise. BSF alak law enforcement agencies logote coordinate kuri, drug-free society maintain koribo nimite optimal efforts kuri ase, itu statement te add kura ase.
Add Comment