Seoul: November 25, 2020. Tuesday din South Korean boy band BTS khan first samai K-pop band Grammy nomination hoishe. Tai khan band toh 2013 saal te olaishe aro South Korean pop music koikena 7 jun manuh ase. Olop din agae te United States te Billboard charts te gaana “Dynamite” toh first Number One hit single hoishe. First-time nominees khan para Twitter te 2021 Grammy nomination janai thishe. Video te, 7 jun pithor te 4 jun khan leaders RM, singers Jimin, Jungkook aro V para tai khan laga “Dynamite” nomination hoishe kowa samai kushi para clap marishe. “etu oper te ARMYs khan para etu kamyaab koribo thishe- ami khan Grammy nomination hoishe. Sob manuh ke dunyabad thiase, BTS para Twitter te koishe. Etu ARMY toh group laga fans khan ase. Hazar fans khan para group logot congratulated korishe aro koishe ke, “tui khan nemite besi kushi ase”.. Twitter te user ek jun para lekishe. “Congratulations!.
Etu khobor toh BTS khan para tai sobse notun album “BE” jaa hafta released kora beche ase. BTS khan December 31 darik South Korea te gaana koriboli ase. April moina te coronavirus bemar nemite cancel kora beche etu first concert thakiboli ase koishe.
Add Comment