August 31, 2024: Megan Thee Stallion laka social media post para collaboration hobo leh ase kui nah speculations kan spark kura shuru hui she, August 29 din deh. Taila post deh khali emojis kan heh taki shae. Post deh ekta horse, ekta purple heart aro ekta side eyes laka emoji taki shae. Purple heart para BTS lokot deh collaborate kuri bo ase kui nah speculations kan shuru kuri di shae.
Purple heart tho Korean boyband lokot deh puila para heh associated ase. Hoile b, speculations tho confirm hui shae pareh.
Recently, BTS laka official account para Manushi singer laka tweet keh quote kuri shae arp ekta hedgehog aro Koala laka emoji keh add kuri shae. Add kura tho fans keh collaboration tho RM lokot deh ase pareh kui nah biswas kuri bo di shae. Kile RM laka BT21 sticker b Koala ase kuto laka nam Koya ase.
Kun bah fans kan para gana tho aha film, Sonic the Hedgehog 3 deh feature hobo leh ase nah nai, speculate kuri taki shae. Alak kan tho emoji tho gana laka title lokot deh kiba ekta kuri bo ase nah nai, speculate kuri taki shae.
Megan laka last BTS collaboration tho taikan laka hit song Butter deh taki shae, 2021 sal deh aro taikan laka collaboration agreement para tuita aro gana b mention kuri shae. Ekta tho group karne aro ekta tho Hiss song gana kura singer karne.
Add Comment